Mapenzi & Pesa! - PART 2 - SEHEMU YA 43

Alimsafisha kama anayemuandaa tena. Vai akajikuta analemewa tena. Akamgeukia. Ndipo akadaka midomo yake vizuri. Wakaanza kunyonyana ndimi kwa taratibu akiwa amemkumbatia Vai kwa huba. Jinsi alivyokuwa amesimamisha, mpaka Vai akashangaa nguvu hiyo anaipata wapi na wakati alimwambia walikesha, na ametoka kupiga bao! Mtoto wa kike akashitukia mikono ipo matakoni, kisha akambeba huku akiendelea kunyonya midomo yake. Kwa hakika Vai alifurahia akatamani ajipenyezee.

Akamtoa hapo mpaka kitandani. Kazi ya kunyonya kila mahali husika ikaanza. Vai alikuwa akilalama, nakushukuru Mungu hakuondoka. Bila kutarajia akapiga bao midomo yake ikiendelea kumnyonya kisimi. Hakuacha mpaka akapatwa tena hamu. Ikawa kama amejua kuwa amepatwa tena hamu. Akarudi kwenye matiti, kisha akamnyanyua mguu mmoja. Akaanza kuingia taratibu akiwa amemkumbatia mguu mmoja. Hapo Vai akashindwa kutulia, anahangaika kama kuku anayetaka kutaga. Victor aliendelea kwa kujinafasi, mpaka akamaliza mwenyewe. Hapo ndipo Vai akapatwa aibu.

Akamcheka. “Nashukuru Vai. Naamini sijakuumiza.” Akatingisha kichwa kukataa, akivuta shuka kujifunika. “Turudi kuoga wakati nikiwapigia simu waje watubadilishie mashuka. Si tutarudi kulala kidogo?” Vai akakubali kwa kichwa. Victor akacheka akivuta simu ya mezani kuomba huduma ya kubadilishiwa mashuka kwakuwa yalikuwa yameloa na kuletewa kifungua kinywa.

~~~~~~~~~~~~~~~~

Wakiwa tena bafuni, akimsafisha kama mwanzo, ikabidi amuulize. “Kwani wewe Victor hujaoa?” “Nina mke na watoto wawili, ila tumetengana.” “Unamaanisha nini?” “Tulikuwa kwenye matatizo ya ndoa ya muda mrefu, tukaona tupumzike.” “Kwa hiyo mtakuja kurudiana?” “Mimi ndivyo nilivyodhani. Sasa kuja kuona mwenzangu anamwanaume mwingine, na kwao ni kama wamempokea huyo, nikaona na mimi nisijitese na ukame bila sababu. Nitafute mtu.” Hiyo kidogo ikawa haijamkalia sawa Vai. Ila akaona aache tu.

Wakasikia watu wakisafisha chumba. “Belinda alisema mpo likizo mpaka jumatatu.” Hapo anamuuliza akiendelea kumsafisha mgongoni mpaka shingoni. “Ndiyo.” Akamgeuza na kumbusu kwa muda tu. “Ni sawa tukiwa wote kwa siku hizi mbili? Nitakurudisha chuoni mimi mwenyewe. Nataka tupumzike tu.” Vai akatulia. Akamvutia kwake zaidi. “Au umeshanichoka?” Anamuuliza hivyo na kudaka midomo yake, amemkumbatia, hajajibiwa. Akambusu kwa muda, Vai ametulia hapo. Hajawahi kuogeshwa wala kuoshwa baada ya penzi. Vya Victor ni vigeni kabisa, tena vitamu. Akanogewa na kutaka zaidi.

Akamuachia na kumtizama kama kupata jibu. “Sina nguo. Labda niende chuo nikachukue halafu…” “Usijali. Nitakupitisha madukani ununue unachohitaji kwa siku hizi. Nataka kupumzika kabisa.” “Ila hapa si itakuwa garama sana!” “Usijali. Mimi nataka tuwe na wakati mzuri.” Hakufanya cha ziada zaidi ya kumsuuza. “Njaa inauma! Tule kabla sijaanguka na kuzimia mbele yako. Tumekua na mapenzi mfululizo tokea jana usiku. Nahitaji chakula na nataka na wewe ule vizuri.” Vai akacheka na kujibaraguza. “Nilikushukuru?” “Kwa nini sasa!?” “Kwa wakati mzuri unaonipa. Halafu na wewe mtamu! Nakufurahia sana. Kwa hiyo asante.” Vai akashindwa hata ajibu nini!

Wakarudi chumbani wakakuta kumetandikwa vizuri. Na vyakula vimeachwa hapo. “Sasa kina Belinda si watakuwa wanatusubiria?” “Hapana. Nimekuta ujumbe kuwa Felix alipata dharula ya kifamilia. Inavyoonekana ilimbidi arudi nyumbani usiku uleule. Kwahiyo hawakulala hapa.” Vai akatulia. “Unaweza kuwasiliana na Belinda ili hata yeye ajue upo salama.” Ikawa kama amesoma mawazo yake. Asijeona anamtapeli ili amfungie hapo ndani.

Cha Mtu Mavi.

Akiwa na taulo vilevile akatoa simu kwenye pochi yake, akampigia Belinda. “Vipi Belinda? Kwema?” “Yule mke wa Felix ni mshenzi tu, hana lolote. Anajidai mtoto amezidiwa kusudi tu ili Felix arudi nyumbani. Hapa nimenuna, maana nilijua na sisi tungelala hapo, lakini nimeishia patupu.” “Pole. Kwa hiyo hujarudi hosteli?” “Na aibu yote hii naipeleka wapi? Nilivyoaga kwa mbwembwe vyote vile!” Vai akacheka kidogo akikumbuka jinsi Belinda alivyo na fujo akiwa anaondoka.

“Sasa na wewe unarudi lini?” Akamtizama Victor, akawa kama hasikilizi. Anasoma gazeti lililokuwa limeletwa na kifungua kinywa. “Sijui!” Akajibu kwa kunong’ona. “Victor anamihela kuliko hata huyo mshenzi Felix.” Akaanza. “Usitukane bwana Belinda!” “Mshenzi tu, hana lolote. Tokea lini mkewe ndiye anayempangia kwa kuwepo, kama si kuishiwa tu? Alisubiri Victor atuache pale ndio ajidai ana dharula. Tena Victor alitaka kutulipia chumba, akajidai ufala. Ujuaji asiojua kumbe kuishiwa tu.” “Belinda umekasirika kipenzi. Naomba tulia. Mimi najua jinsi Felix anavyokujali.” Vai akaongea akikumbuka hata mizigo aliyomsaidia kuishusha garini jana yake. Alijua yote hiyo ni pesa ya Felix.

“Basi kaishiwa. Sasahivi kisingizio mkewe. Kila ukimuomba pesa, maneno mengii mpaka maradhi ya wazazi wake pia utaambiwa, kisa tu kumuomba pesa!” Belinda akalalamika hapo kwa uchungu kama ambaye Vai anampita. Kumkatia simu hawezi, na Victor naye wazi alionekana anamsubiria amalize kuzungumza na simu ili wapate kifungua kinywa. Ila akabaki macho kwenye gazeti. Belinda akazidi kupandwa na jazba, anaongea hamalizi akimtusi Felix.

Akaweka mute ili Belinda huko anakolalamika asisikie. “Anza kula Victor. Naona hapa mazungumzo yanazidi kupamba moto.” “Huwezi kumuaga na kumwambia mtazungumza baadaye?” “Amekasirika sana. Tafadhali wewe kula tu, mimi nikamtulize.” “Basi nakusubiria.” Vai akabaki hajui chakufanya. Belinda analalama kwenye simu, Victor anasubiri na alishamwambia ana njaa! Akarudi bafuni akiwa na simu sikioni.

“Pole sana.” Akapenyeza hiyo pole alipotoa mute. “Ni mshenzi tu. Kila wakati kunipa matatizo yake. Kwani mimi mkewe? Na mimi nina yangu. Asitake kunifanya mimi nyumba ndogo yake.” “Sasa besti, naomba nikupigie baadaye kidogo, Victor ananisubiri tule.” “Kwamba huyo Victor niliyekuunganisha naye jana tu ameshakuwa wa muhimu sana, mimi sina maana, nakupotezea muda!?” “Belinda umekasirika, unafikiri ndivyo sivyo. Huyu mtu amesema ananisubiria tule wote. Na ananjaa. Mimi nimekwambia nitakupigia akishakula.”

“Kujishaua tu. Mnasubiriana kwa lipi? Kwanza mimi ndiye ninayemjua huyo Victor, wewe humjui kwa lolote. Kwamba anajidai miaka yote alikuwa akila na nani kama si uongo na unafiki tu kujidai wewe ndio unamjua zaidi kuliko mimi? Au ndio unataka kumfunga ili akuweke hotelini daima? Kwa taarifa yako wote hao wana wanawake zao. Wakishakuchezea, wanarudi kwa wake zao. Usijisahau na kunitupa, ukadhani ndio umepata ndoa.” Vai akapoa kabisa hajui chakuzungumza tena. Akaumia kupita kiasi. Akabaki kimya.

Belinda akaongea mengi. Hajui kama anamtukana yeye au Felix. Ila akabaki kama anayemdai huyo Victor aliyemuunganisha naye. Kuwa bila yeye asingemjua Victor na anamuhusu Belinda zaidi kuliko yeye. Kwamba anatakiwa amshukuru  yeye. Akaongea mengi kisha akamkatia simu. Kitumbua kimeingia mchanga. Akapoa Vai, mwili mzima unatetemeka. Hajui ni hasira au la.

 ~~~~~~~~~~~~~~~~

Victor akahisi ukimya wa aina yake hapo bafuni. Akaingia bila kugonga. Akamkuta Vai amesimama, simu kashika mkononi kama hajui chakufanya. Sura imebadilika kabisa. “Kwema?” “Naomba mimi niondoke Victor.” Akabaki akimwangalia. “Tafadhali. Acha tu mimi niondoke, ili kupunguza maneno.” “Yanayotoka wapi!?” “Hata sielewi! Ila naona ili kuleta amani, bora hichi kilichotokea kati yetu, kiishe tu. Niwaache na mahusiano yenu na kina Belinda. Naona mimi kuwepo hapa na wewe kumeshaanza kuwa tatizo, wakati ni nyinyi wenyewe mlinialika!” Akalalamika Vai.

“Nini kinaendelea Vai!?” “Mimi sijui! Watafute rafiki zako muendelee. Mimi sitaki kuwa katikati yenu.” Vai akatoka hapo bafuni, Victor akamfuata kwa haraka. “Belinda amekwambia nini?” “Haisaidii kitu.” “Itanisaidia mimi kujua kinachoendelea. Maana mimi ndiye niliyeomba msaada wa kuunganishwa na wewe.” “Uunganishwe na mimi kwani unanijua!?” “Felix ndiye aliyesema utanifaa kutokana na sifa alizokuwa akisikia kutoka kwa Belinda juu yako. Nisikilize Vai.” Akamvuta mkono mpaka kwenye kochi.

“Nafanya kazi na Felix, japo si kitengo kimoja na si kwamba ni marafiki. Ni rafiki wa mtu ambaye nipo naye karibu, anayejua ndoa yangu kwa karibu. Nafikiri walinizungumzia mpaka wakafika hatua ya kuwa natafuta mtu, nimechoka na upweke. Nafikiri kuna jinsi aliniuza huko kwa Felix na Belinda kiasi ya kwamba nilipokutanishwa nao, kidogo Belinda akanitisha. Sitakwenda kwa undani, lakini ilibidi kuweka msimamo wa wazi kuwa, natafuta mtu asiye na mtu, na ametulia. Sitaki wa mtaani, nikaanzia mbali, sijui kuchunguzana. Mimi sitafuti mke. Nikasema sina muda huo wakumchunguza mpenzi tu, ndio maana ninatafuta kwa watu wangu wa karibu ambaye tayari anamjua mtu.”

“Ndipo Felix akasema anakujua wewe kupitia Belinda akikusifia umetulia, huna makuu na una upendo sana, unajua kujali. Nilipotaka kukutanishwa na wewe ndipo nikaambiwa kwa wakati huo upo na kijana kama mlemavu. Lakini kama rafiki, ukimsaidia kumtia moyo kwenye safari yake ya kupata mguu au sijui kupona.” Vai akashangaa sana. “Mbona Belinda asiniambie yote hayo!?” “Mimi sijui. Lakini naomba unisikilize.” Vai akatulia.

“Nikawa na safari ya Dubai. Ikabidi nimtafute Belinda rasmi, maana ilikuwa kama nawasiliana naye kupitia Felix na kupewa majibu nisiyoridhika. Nikamuomba sasa Belinda aniunganishe na wewe ili twende wote, tukapate muda wa mazungumzo hukohuko Dubai. Akanipa maneno mengi mno. Ila akaniambia upo kwa huyo mwanaume ni kama unaishi huko. Ikawa kila nikimpigia yeye simu, mazungumzo yanaishia kwake mpaka nikasafiri sijafanikiwa kukupata.”

“Ile kidogo ikanikera. Niliporudi nikamwambia jamaa aliyeniunganisha nao. Huyo rafiki wa Felix. Akaniambia dawa ni kuwafuata wakiwa pamoja. Niache kuwasiliana na Belinda peke yake. Akanitajia maeneo wanayopendaga kwenda kunywa.”

“Ndipo nikawawahi jana. Nikazungumza mbele ya Felix na kumuomba anifikishe tu hosteli kwenu, mengine aniachie mimi mwenyewe. Maana hapo nilishapewa na picha yako. Ukweli nikawa nimeshavutiwa sana na wewe, shida nikuone tu. Akasema unaweza usiwepo hosteli. Nikamwambia asiwe na wasiwasi wa nini kitatokea baada ya kunifikisha hosteli. Kazi yake itaisha atakaponifikisha na kunipa namba yako ya simu. Nilivyosema hivyo, zikakosekana sababu maana na Felix ni kama aliunga mkono nilichoomba kwake. Akasema wazo langu zuri.”

“Ikawa kama ilivyokuwa jana. Alipokupigia na kukuomba uje kwenye gari kumsaidia kubeba mizigo na ukakubali bila shida ndio nikawambia usiku ule lazima nikutoe kwa chakula ili pia nipate muda na wewe na nikwambie nia yangu. Na kwa kuwa nakutoa kwa mara ya kwanza, nikawaomba kwa heshima kabisa, isiwe baa. Nikupeleke sehemu ya maana utakayotulia na nikaomba na wao wawepo. Isiwe kukushitukiza tu, ukajikuta upo na mimi tu mgeni.” Vai akabaki akishangazwa na yote hayo yaliyokuwa yakiendelea yeye hana hata taarifa na wala Belinda asimdokeze!

“Hilo nalo ni kama Felix akaweka uzito, nikaelewa pengine ni garama. Ndipo nikawaambia mimi nitalipia kila kitu. Sikuwa na nia ya kulala. Ila pombe zilivyozidi ndio Belinda akatoa wazo la kulala. Napo kidogo pakasumbua. Nikajua ni pesa tu. Ndio nikawaambia maadamu tupo pamoja, nitalipia vyumba viwili. Lakini ujue Felix ni mwanaume. Hawezi kukubali kulipiwa kila kitu, tena mbele ya mwanamke wake!”

“Kukazuka kuvutana katikati yao. Ndipo mimi nikawaambia natangulia chumbani na wewe. Ukweli ulikuwa umelewa Vai, na mimi sikujua kama wewe hunywi kabisa. Belinda aliniambia wewe ni komba, mnywa bia. Sasa ulipokataa na kusema huwa hunywi, na Belinda kubisha pale mbele yako na wewe hukubisha, nikajua unaweka tu pozi. Ndio nikaja kukuamini vile ulivyolewa kwa wine, tena glasi chache tu. Nikajua wewe sio mnywa pombe kama Belinda alivyosema na hukutaka kubishana naye pale. Ndio tukawaacha pale baa, sisi tukapanda huku. Basi.” Vai akatulia.

“Sina mahusiano nao yakusema utakua katikati yetu. Namfahamu Felix kwa kufanya kazi pamoja, ila ukaribu uliongezeka nikiomba waniunganishe na wewe. Na ningekufahamu mapema, sema kidogo kukawa na vipingamizi. Mimi nataka uwe na mimi. Nimekufuatilia nafikiri hata kabla ya sikukuu za krisimasi au niseme mwanzoni mwa mwezi wa 11 ila ndio ikawa kuzungushwa mpaka jana. Sasa tafadhali naomba tuangalie yetu. Mimi ninakuhitaji na sina muda wa kuanza kutafuta mtu mwingine. Tuanzie hapa, na tuwekane sawa.” Vai akakunja uso kama ambaye hajamuelewa katika hilo.

“Namaanisha hivi, mimi nimeridhika na wewe. Na tupo hapa. Uliza chochote nitakujibu na tuanzishe mahusiano yetu kuanzia hapa.” “Wewe una mke wako, unataka mahusiano na mimi ya namna gani?!” “Mbali ya kuwa bado kisheria ni mke wangu, lakini bado anao watoto wangu wawili. Nawatunza kwa hali na mali japo si kwamba na yeye hana uwezo. Anayo pesa na ametoka kwenye familia ya kitajiri sana. Kwa hiyo ameishi na mimi akijitahidi kunionyesha hanihitaji kwa chochote. Na hataki watoto wetu wawe kama mimi. Anajitahidi na wenyewe kuwatenga na mimi na ukoo wangu mzima. Ila ninapohitajika kwenye maisha ya wanangu nakuwepo bila ya kuzembea. Yeye na mimi ni kama tumemalizana. Lakini kisheria kuhitimisha ndio imekua shida sababu ya watoto. Vera ni mkali sana na anajua kupaniki. Huwa nahofia kumtibua maana ni mwepesi wa kutoa adhabu anazochagua yeye dhidi ya wanangu. Kwa hiyo najitahidi sana kujishusha kwake ili angalau nipate wanangu. Ukiniuliza mpaka lini hiyo hali itaendelea, sijui! Ndio maana nimechoka kuishi peke yangu, natafuta kampani.”

“Swali kwako, unakipingamizi chochote kuwa kwenye mahusiano ya kimapenzi na mimi kwa sasa?” Vai akakwama. Akabaki akifikiria. “Na Belinda asiwe kipingamizi.” “Mimi sijawahi kuwa na mahusiano ya namna hii Victor!” “Hata mimi. Nilikwepa kwa muda mrefu nikiepuka kumpa mke wangu sababu, asininyime wanangu maana ndio anawatumia kama fimbo. Sasa nilipojiridhisha yeye ameanzana na mwanaume mwingine, na kwao anafahamika, nikaona sina sababu ya kujitesa.”

“Kwa hiyo nakuomba tuanze kujenga kuanzia hapa kwa vile tutakavyoweza. Wewe ni mtumzima na mimi vilevile. Nia yetu nifaraja. Kwenye tatizo, tutazungumza turekebishe au tukiona havifai kabisa, basi tuhitimishe. Si ni sawa?” Vai akaona si jambo baya. Akamuona ameanza kutulia. Victor akajua ameshauza sera.

“Eti Vai? Mimi napenda tukiwa wote hivi. Ona wakati mzuri tuliokuwa nao asubuhi ya leo tu, ambayo wewe ndio unakumbuka! Lakini hata jana usiku tulipata wakati mzuri sana. Sasa kweli unataka tuhitimishe hivihivi kwaajili ya mtu baki tu?” Vai akainama. “Eti Vai?” “Sawa.” “Basi naomba rudisha mawazo hapa nilipo mimi. Mwenzio nakuhitaji. Tule, tuendele na yetu.” Wakaanza kula.

“Unafikiri ni sawa nikiwaomba tena Belinda na Felix tukutane na tuwape msimamo wetu?” “Mmmh!” Vai akasita akikumbuka mazungumzo yake ya mwisho na Belinda.

“Itatusaidia kuwa ukurasa mmoja.” “Sidhani kama Belinda yupo tayari na huo ukurasa! Namuhisi ni kama hafurahii mimi kuwa hapa na wewe! Na sijui kwa nini!” “Hiyo sasa itakuwa juu yake. Ila nataka tu kumuweka sawa kuwa yeye ni shemeji na atabakia kuwa hivyo. Niwashukuru kwa kuniunganisha na wewe, tuachane kwa amani. Mengine yatakayoendelea kati yetu, tupo wapi, tunafanya nini, hayatakuwa yakimuhusu tena yeyote ila sisi tu.” Hilo likakaa sawa akilini kwa Vai ila akimfikiria Belinda. Ni kama amembadilikia gafla!

“Kwa nini muda wote huo asiniambie kama yupo Victor anayenitafuta!?” Hilo swali likabaki likimuumiza Vai. “Halafu ni kama Victor amenifahamu kupitia Felix wala si yeye!” Akaendelea kuwaza bila jibu. Belinda ni mtu wake wa karibu sana. Wanazungumza karibu kila siku hata akiwepo kwa Bale au yeye akiwa kwa Felix, lazima wawili hao watazungumza tena wala si kwa kifupi. Iweje leo ashindwe hata kuropoka jina la Victor! Vai akabaki nayo moyoni.

~~~~~~~~~~~~~~~~

Siku ilianza kwa penzi lakuanzia bafuni, hapo kitandani na makubaliano yao. Mpaka hapo akajua kweli anayo pesa. Hoteli ilikuwa nzuri sana. Huduma za hali ya juu. Akabaki akila huku akifikiria mengi. “Natamani usingizi baada ya hiki kifungua kinywa. Japo wa lisaa tu.” Akamtoa mawazoni maana alimuona amepoa sana. “Nitanyamaza ili ulale.” “Nataka nijibembelezee mwilini mwako Vai! Unavutia kila kitu.” Vai akacheka taratibu kwa aibu na kunywa juisi iliyokuwepo mbele yake.

“Au umenichoka tayari?” “Hapana Victor! Na mimi nakufurahia sana. Napenda unavyofanya mapenzi na mimi, kwa heshima. Naridhika. Nafurahia. Na wewe pia upo vizuri.” Victor akacheka sana. “Bwana acha kucheka!” “Nahisi sifa zangu zimepunjwa. Kama maelezo yamefichwa kidogo! Hebu fafanua kidogo.” “Napenda kila kitu chako na nguvu zako. Najisikia nipo na mwanaume kweli, sio mzembe. Na una mwili mzuri.” “Mimi huyo?” “Sitaki tena.” Victor akazidi kucheka.

“Hufai kusifiwa wewe!” Akazidi kucheka akimsogelea. “Naomba nitoe hili taulo, nifaidi yangu.” “Huchoki Victor!?” “Nilikuwa na uchu, asikwambie mtu Vai. Halafu nilishakutamani tokea natumiwa picha yako, nikiwa hata sijakutana na Belinda mwenyewe.” “Picha gani hiyo!?” “Nitakuja kukuonyesha. Ila nikawa nakumezea mate. Nikajua tukienda Dubai nitakuweka sawa mpaka tuanzishe mahusiano. Na hivi niliambiwa umetulia, huna makuu! Nikajua nikikufungia mahali, roho yangu itatulia tu. Ndio ikaanza kazi yakumbembeleza Belinda sasa.” Akaanza kumbusu shingoni kila mahali.

“Umeshiba?” “Nashukuru.” “Basi naomba tuhamie kitandani, unilalie juu niupate mwili wako vizuri wakati nikiinyonya hiyo midomo yako na hizo chuchu sijui zakizungu!” Vai akajificha uso kwa soni. “Mwenzio napenda sana romance, kitu kilichokuwa kikimkera mke wangu.” “Kwa hiyo bado unamuita mkeo?” Wivu tayari. Victor akashituka kidogo. “Mazoea mabaya. Anaitwa Vera.” Akambusu na kuendelea.

“Nakushukuru unavyoniruhusu kufanya romance na wewe.” Akaanza kumrudisha pale maana mawazo yalishabaki kwa, ‘mke wangu’ na yeye akajua. Akaendelea kumlainisha kwa maneno huku akimbusu bega. “Napenda jinsi unavyotulia mikononi mwangu.” Vai akampa mdomo maana alikuwa akimpapasa mapajani pia. Akaipokea vizuri, na mkono ukakimbilia matitini. Romance ikaendelea.

Akahamia kweli kitandani na kumuweka Vai juu yake akiwa vilevile mtupu. Mashine ilikuwa imesimama hatari. Vai akawa anahangaika, huku akipapaswa. Akamnyanyua juu kidogo ili aweke titi mdomoni. Alipoanza kunyonya chuchu, Vai akajiingizia kwa haraka.

Akawa amemshikilia matako akiwa amemlalia vilevile juu, anampandisha na kumshusha. Vai alipozidiwa, akamuweka kifo cha mende. Kile kitendo cha kumsugua akipanda na kushuka, Vai hakuchukua muda, akahitimisha. Akainyanyua miguu yake yote miwili, akaiweka mabegani mwake. “Naomba uache kifua wazi, usijifunike, niendelee kuyatizama matiti yako wakati nikifanya mapenzi na wewe.” Ukweli Vai aliona aibu, ila akajiweka sawa kama alivyotaka. “Asante.” Akashukuru na kuendelea kwa kituo bila papara huku akitizama matiti yake kama yaliyokuwa yakimuongezea mzuka kwa kuyatizama tu, huku akipapasa mapaja yake mpaka na yeye akamaliza. Alichokifanya ni kujirusha pembeni yake, akamvuta Vai kifuani, akapotelea usingizini bila nyongeza.

~~~~~~~~~~~~~~~~

Waliamka mida ya saa saba mchana. Vai akaelekea bafuni wakati Victor akiagiza chakula na kupiga simu zake nyingine. Mpaka anamaliza kuzungumza na simu zake, Vai akawa anatoka bafuni.” “Nimekuchelewa!” Akazungumza bado akiwa na simu sikioni. Vai akamtizama maana hakujua kama anaongea na yeye au la. Akakuta akimtizama akishiria anazungumza naye. “Hamna shida.” Akamjibu  kwa kunong’ona kama ambaye aliyekuwepo kwenye simu asisikie. Victor akacheka. Ila akamuheshimu kwa heshima na yeye aliyompa. Sio kuropoka kwa nguvu kama anayetaka kila mtu ajue yupo naye hapo. Akamuaga aliyekuwa naye kwenye simu na kukimbilia bafuni.

Hakuchukua muda na yeye akatoka. Akawa amevaa rob kama Vai tu. Hawakuwa na nguo nyingine. Kwahiyo kama haikuwa rob basi walivaa taulo. Ila kwa kuwa chumba kilikuwa na baridi, walijikuta wakivaa hizo rob nyeupe za hotel.

Wakaletewa chakula, wakala, wakajikuta wametulia kwenye kochi tv ikiendelea kuonyesha movie nzuri iliyokuwa imemchukua Victor. Akamuona Vai anashuka kwenye kochi anakaa sakafuni kwenye miguu yake. Akaunyanyua mguu mmoja na kuupakata, akimwangalia anachotaka kufanya. Akavuta chupa ya lotion waliyoikuta hapohapo hotelini, akampaka kwenye huo mguu na kuanza kumchua taratibu.

Akaendelea kwa muda kimya kimya. Unyayo, katikati ya vidole, Victor akijisikia vibaya asije kukutana na harufu. Alikuwa na fangasi kidogo. Lakini akamuona hajali. Kisha akachukua taulo. Akapitisha katikati ya hivyo vidole alipopakuta pana unyevunyevu. Akapaka tena lotion. Akaanza kupitisha vidole taratibu kama akiisambaza hiyo lotion. Kisha kuvichua hivyo vidole kwa kuvivuta taratibu kimoja hadi kingine mpaka Victor akasisimkwa. Akajisikia kutulia kwa namna yake.

Akarudi kwenye nyayo akawa anaminya kwa nguvu mpaka juu kidogo ya mguu. Akafanya hivyo kwa muda kisha akamgeukia. “Naomba na huo mguu mwingine.” “Pole kwa harufu ya vidoleni. Nahisi nina fungasi.” “Usijali. Japo sio mbaya, lakini sio mbaya kuwahi dawa. Nafahamu dawa inayoweza kukusaidia. Ilimradi kujitahidi katika ya vidole kupaacha pakavu.” Akaendelea kumchua taratibu bila kinyaa akifanya kama ule mguu mwingine. Ikamgusa sana Victor kiasi cha kutoa akili yote kwenye movie na kubaki akimwangalia yeye na kile anachomfanyia kwa upendo bila ya kinyaa.

Tamaa ya kuwa naye ikampata. Akatamani kumfanya mtu wake wa muda mrefu. Akamtizama vile alivyopotelea mawazoni huku akimchua miguu yake. Alivutia hata na rob aliyokuwa amevaa.

“Naomba nikufahamu zaidi Vai.” Vai akanyanyua kichwa akamwangalia kama aliyemtoa mawazoni. “Najua kwa sehemu umenifahamu mimi. Na muda utajibu maswali mengi hata ambayo bado hujaniuliza. Lakini najiona sikufahamu kabisa!” “Ulitaka kufahamu nini juu yangu?” “Naomba tuanzie na mwanaume aliyeniambia Belinda unaishi kwake.” Vai akafikiria jinsi ya kumuelezea Bale akakwama. Akarudi kumpapasa ule mguu taratibu.

“Labda nianze kwa kuuliza mpo kwenye makubaliano gani?” “Bale si mpenzi wangu, ila amefanyika rafiki wakaribu sana. Ana historia ngumu sana ya maisha, ila kwa kifupi ni kama amebakia peke yake maishani.” “Kwamba hana hata ndugu?” “Kwa kifupi hana. Nilikutana naye…” Akamsimulia jinsi alivyokutana na Bale mpaka hapo.

Victor akawa kama hajaelewa. “Kwamba nyinyi si wapenzi kabisa, na hata unapokuwepo kwake ni kiurafiki tu?” “Hata ningetaka, isingewezekana.” Hapo napo akawa amempoteza zaidi Victor. Vai anavutia kwenye macho ya mwanaume yeyote. Na ukifanikiwa kuwa naye karibu, ndio kabisa. Mpaka hapo tu Victor kushikwa miguu anataka kuchonga mzinga!

Akaona aulize. “Kwa nini?” “Anayoyataka maishani, mimi sina uwezo wa kumpa.” Hapo akamtia shauku zaidi. “Tafadhali fafanua zaidi.” Akamuweka miguu yote pembeni. Akajisogeza pembeni kama kujitenga kidogo. “Mbona unaondoka tena?! Mimi nafurahia hivi ulivyonishika miguu.” Vai akaegemea kochi bila ya kujibu akiwa palepale sakafuni. “Mbona kama nimekuudhi? Swali lipi hujapenda?” “Hapana Victor. Hujaniudhi kabisa. Ila haya unayotaka kuyajua huwa siyazungumzi. Ila kwa sababu umeniheshimu kwa muda huu tuliokuwa hapa. Umekuwa muugwana, acha tu nikwambie.” Victor akajiweka sawa maana Vai alimgeukia.

“Nilicheza rafu nyingi sana kipindi nakua. Moja ya makosa mengi niliyokuwa nikifanya ni kutoa mimba. Sasa mimba ya mara ya mwisho niliyotoa, iliniathiri kizazi. Sina uwezo wa kuzaa tena. Na kama nilivyokwambia, Bale yupo peke yake na anataka kuwa na mke na watoto, kitu ambacho mimi sina uwezo.” “Ulikwenda kwa wataalamu?” Victor akauliza.

“Mwanaume wa mwisho kuwa naye kwenye mahusiano, yeye alitangulia kusema anataka nishike mimba kwanza ndipo anioe. Tukahangaika sana kwa madaktari bila mafanikio. Akaniacha.” “Pole Vai. Pengie ni yeye ndiye aliyekuwa na matatizo! Mbona wanawake wengi wanatoa mimba na bado wanakuja kuzaa?” “Huyu alikuwa mwanaume wa pili. Wakwanza alikuwa na yeye kama hivyohivyo lakini yeye alianza kwa mapenzi ila kumbe akinichunguza. Ndipo akagundua tokea niwe naye hajaniona hata nikiwa kwenye siku zangu. Ndio na yeye akaniacha. Kwa hiyo mimi ndiye mwenye tatizo. Maana nilitumia njia mbaya kuua mtoto wa mwisho.” “Tafadhali usiseme hivyo Vai.” Vai akanyanyuka hapo na kuelekea bafuni.

Victor akamfuata. “Wote tunakosa Vai. Na kila kosa linakuwa na garama zake. Naamini ulijutia kosa. Acha kukibeba hicho kitendo kwa kujiumiza kiasi hicho!” “Inaniuma Victor, sina jinsi. Kwa mfano kwa Bale nimeondoka kwa uchungu sana. Ni mtu mzuri sana, japo hakuwahi kunitaka kimapenzi. Lakini ni mtu ambaye sijawahi kuishi na mtu mwingine yeyote hapa duniani nikapata wakati kama ninaokuwa napata nikiwa naye. Tulikuwa tukipatana sana.”

“Anajali kama mama kwa kiziwanda wake. Alikuwa akisoma na mimi, mpaka shule nikaiona rahisi wakati nilikuwa nikisumbuka. Anaweza akanipikia kitu kizuri, na kuja kunifuata nikale kwake. Nilikuwa nikizitizamia muda wa kuwa naye, jinsi tulivyokuwa tunakuwa na wakati mzuri. Si wa kitajiri, maana yeye hakuwa na kazi, mimi mwanafunzi. Lakini hakuna mahali tunakuwepo na Bale, tusiwe na wakati mzuri.”

“Lakini kosa langu mimi linanigarimu mpaka sasa na nafikiri ni mpaka niingie kaburini.” “Ni sawa tukiacha haya mazungumzo ya kukuumiza kwa sasa? Maana hatupo hapa kutafuta mtoto. Tafadhali tuzungumze kitu kingine.” Vai akatulia, maana Victor alimuona jinsi alivyobadilika.

Akamshika mkono na kurudi naye chumbani. “Nikuombe kitu?” Vai akamtizama. “Hiki tulichokianzisha tukipe muda. Nikiwa na maana hii. Haya ni mapenzi. Naomba tubaki wawili. Kwa usalama wetu. Na naomba unilinde ukijua nina watoto watakao kuja kunihitaji.” “Sio wanao kuhitaji!?” “Sasa hivi wameharibiwa akili na mama yao na upande wa huko kwa mama yao. Hawatambui thamani yangu. Wamejazwa ujinga, haitachukua muda mrefu kuwa nao, kugundua ni watoto wanaolelewa tofauti.”

“Wanakuzwa kwenye mazingira ni kama yakufikirika tu. Na mama yao anapenda hivyo akidhani ni sawa. Ninapojaribu kuzungumza naye inakuwa ngumu kwa kuwa mimi sikutokea kwenye familia zenye uwezo kama yeye. Na hilo anahakikisha ananikumbusha kila wakati. Kwa kifupi nakosa usemi kwa vijana wangu.” “Wote ni wakiume?” “Wote ni wakiume. Miaka 13 na 10.” “Kumbe ni wakubwa kabisa! Hongera.”

“Nashukuru japo sina raha nao Vai. Sina kabisa. Mbaya zaidi baba mkwe wangu ndiye mkuu wa bandari hapa nchini, na mimi nafanya kazi bandarini. Huna jinsi ya kutokuwa sawa na binti yake, ukawa sawa na yeye. Nilipita kipindi kigumu kipindi nimetengana na binti yake, alihakikisha natambua sina usemi hata kazini. Ila ilinisaidia kuanzisha kitu changu cha pembeni kama mbadala siku mambo ya kazini yatakapo haribika. Ila kwa sasa nafanya kazi kama kwa rehema za baba mkwe.”

“Biashara zangu zilipokaa sawa nikataka kuacha kazi, mzee mmoja. Dereva tu wa bandari, akanikemea sana. Akaniambia nisiwahi kuacha riziki yangu kwa ajili ya mwanadamu anayeshikiliwa uhai na Mungu. Akasema huwa leo wapo, kesho hawapo. Akaniuliza itakuaje nikiacha kazi leo halafu na yeye kesho yake akafukuzwa kazi au Mungu akamchukua? Nikaona ni kweli. Maana kitengo tulichopo ni kweli kina maokoto mengi.”

“Hongera.” “Nashukuru. Lakini ninachotaka kusema, naamini ipo siku watoto wangu watakuja kujua ukweli wa mambo na kunihitaji mimi kama baba. Ndio maana nakuwa makini sana na kujilinda kiafya. Najitunza na kuwa makini sana ni nani nakuwa naye karibu.” “Sasa kwa nini ulilala na mimi bila kinga?” Ikawa kama anamsuta.

“Acha nikwambie ukweli Vai. Sikuwa nimepanga kufanya mapenzi na wewe japo nilihakikishiwa mwanzoni kabisa hata na Belinda mwenyewe mbele ya Felix kuwa umetulia sana. Aliniambia wewe ni mtu wake wa karibu sana. Na tokea mnaanza chuo, hajakuona na mahusiano na mwanaume mpaka alipokuja Bale. Tamaa na wewe ilinianza nilipokuona kwenye picha, halafu kadiri walipokuwa wakinizungusha kuniunganisha na wewe nikazidi kukuhitaji zaidi. Sasa ulipolewa na kunitaka kimapenzi, ukisema ni miaka mingi hujashikwa na mwanaume kimapenzi, nikashindwa kujizuia. Tamaa ikanilemea.” Vai akajisikia aibu sana. Akajua ni kweli alisema maana ni kweli muda mrefu ulishapita hajafanya mapenzi. Akabaki ameinama akifikiria.

“Ila nisingekurupuka kitandani tu. Ni kama nilijiridhisha na wewe kwanza. Sipo hovyo wa kiasi hicho cha kulala na kila mtu.” “Samahani sana Victor. Sikumbuki kabisa. Sijui pombe ilinifanyaje!” “Usijali kabisa. Nahisi tulikosea vizuri. Au unajuta?” “Natamani ingekuwa tofauti!” “Kwamba mimi ndio ningekuomba kwanza?” Vai akanyamaza. “Ila imesaidia kupata huu muda wa hapa. Nilihitaji Vai.” “Kwani huna mwanamke?” “Aisee dunia imebadilika Vai! Mpaka inatisha. Na ukiwa na vijihela kidogo ndio shida kabisa. Hujui nani mkweli na nani anadanganya. Na hujui unadanganywa kwa umbali gani!”

“Na mimi kwetu nategemewa sana. Mimi mtoto wa mfugaji. Kwamba nikiamka asubuhi, ukoo mzima unashukuru Mungu nipo hai. Siwezi kujiachia hovyo, ndio maana nakwambia naomba unilinde.” Vai akatulia.

Ila akaona aulize. “Unaishi wapi?” “Nilipotengana na Vera, nikamuachia nyumba maana yeye ndiye alibaki na watoto. Nikajenga Tabata. Naishi huko na wadogo zangu wawili wa kiume, watoto wa dada zangu wakiume karibu wote niliwachukuwa ili waweze kujiendeleza, kisha wawasaidie mama zao. Maana sisi tumetokea kwenye zile tamaduni kuwa watoto wa kike hawasomeshwi. Ila kuolewa. Kwa hiyo dada zangu waliolewa wakiwa binti wadogo, na hawajasoma kabisa. Ndio maana nimechukua watoto wao. Na binamu zangu pia wanaishi hapo.” Ikabidi Vai amtizame.

Akacheka. “Ndio maana unaniona nipo hapa na wewe ili kupata utulivu na nafasi. Kwangu hakuna hata pakuweka mguu jinsi kulivyo jaa. Na hapo bado wale wanaokuja kutembea mjini. Na wao wanafikia hapohapo.” Vai akacheka. “Kwako ndio maeneo yao ya kujidai?” “Ewaah. Kule kwetu kijijini najulikana kama chumvi! Salamu yao kila wakikutana ni kuuliziwa kama mimi ni mzima na bado nipo mjini. Yaani nyinyi si mnasalimiana ‘habari?’. Kule kwetu wakikutana salamu yao ni, ‘Victor?’” Vai akazidi kucheka.

“Familia yangu ni ukoo mzima na wananitegemea kwa hali na mali. Na ndio moja ya sababu zilizomchosha Vera. Hataki kunisikia mimi na ukoo wangu wote. Mwenyewe anasema vimezidi.” Hapo Vai hakuongeza.

“Kwa hiyo wewe ndio kaka mkubwa?” “Yaani utafikiri ndio wa kwanza! Lakini nina dada zangu walionitangulia watatu. Ndio mama akaanza kuzaa wakiume mimi na hao wadogo zangu wawili.” “Kwa hiyo ukifika kwenu wanaitana?” Akamchokoza. “Bwana kama ulikuwepo! Nikifika pale kama wametembelewa na raisi! Kijiji kizima wanaambizana kuwa Victor amefika. Wamaana mwenzio pale, kuliko raisi wa hii nchi.” Vai akazidi kucheka.

“Yaani Victor akitua tu kijijini mpaka watoto wanakusanyika…” “Kukusalimia?” “Na kunishika mkono pia! Acha masihara. Yaani na joo za mboga zinaanza kuingia hapo nyumbani.” Vai akazidi kucheka. “Usinione hivi! Ujue upo na mtu wa maana sana?” “Nimeanza kulitambua hilo. Itabidi safari nyingine ukienda unichukue.” Victor hakuamini.

“Kwamba na msurulu wote huo niliokutajia bado unataka tu kuja!?” “Nani hataki joo za supu?” Victor alicheka sana. “Kumbe shida ni joo zangu?” “Acha utani kabisa. Ila nitakusaidia hata kubeba begi wakati ukisalimia wanakijiji.” “Nakwambia wanakijiji ndio ukoo wenyewe.” “Haohao.” Hilo likamfurahisha sana.

“Sasa kule kwetu rangi kama hiyo yako ni hadimu. Nitapewa ng’ombe kabisa.” “Acha kunipandisha morari bwana!” Victor alicheka mpaka machozi. “Kumbe nikienda na wewe ndio unapata ng’ombe kabisa?” “Ndiyo Vai. Hapo kama ningekuwa nikioa mtoto kama wewe kule kwetu, mzee angefilisika.” “Mimi naona tuanze kufuga huku mjini. Kila baada ya wiki mbili tunaenda kuchukua ng’ombe kijijini.” Victor alicheka sana.

“Mama wewe kweli mchaga! Ngo’mbe wa mboga ushafikiria kufanyia biashara!” “Yaani unataka kula mtaji!? Wewe Victor vipi?” Hakutegemea kama Vai ndio anamaneno hivyo. “Vai, ng’ombe unaoletewa unachinjiwa ule!” “Sasa tunawaambia wachinje jogoo zako tu, ng’ombe tunawazidi mahesabu. Tunawaambia tunaenda kuchinjia mjini kwenye visu vya mashine.” Victor alicheka, na kushindwa kujizuia.

Stori zikaendelea. Akapata ujasiri wa kueleza mambo ya kwao maana Vai alionyesha ukoo wake mkubwa kwake ni jambo la kawaida kabisa. Angalau wakazungumza jambo lililofanya waanze kufahamiana zaidi familia zao.

Walikaa hapo hotelini siku mbili bila kutoka, wakishinda na mataulo tu. Chakula kikiwafuata chumbani kama waliokuwa kwenye fungate. Kitu cha ziada kikajengeka katikati yao kwa muda huo. Vai akaonekana faraja ya namna yake kwa Victor. Hakutegemea kwa uzuri ule bado akawa msichana wa kawaida tu. Hamna dharau na ni kama akiwa naye, hana muda sana na simu ila yeye! Hilo likamgusa sana Victor. Shauku ya kutaka kummiliki ikaongezeka.

~~~~~~~~~~~~~~~~

Tarehe 4 jioni alishamuomba Felix na Belinda waungane nao kwa chakula cha usiku. Akamzungusha Vai kujinunulia vitu vyake, jioni wakawahi wao kufika sehemu ya chakula. Wakawa wakinywa taratibu. Wote walijikuta wakiagiza juisi. Hakumuona tena Victor kunywa pombe. Hata chumbani alikuwa akinywa maji tu ila hakuwa akizembea kula. Alikuwa akila haswa na si chips. Mlo wa uhakika na anashiba.

~~~~~~~~~~~~~~~~

Baada ya muda wakawaona Felix na Belinda wanawasogelea. Ila kama hapakuwa shwari katikati yao. Wakasimama kuwasalimia, Belinda hakutaka kuwapa mkono ila Felix akawasalimia kwa kuwapa mkono. “Kwema Belinda?” Victor akamuuliza. “Kwema tu. Vipi?” Akamuuliza Victor kishari kidogo.

“Kwetu hapa kwema kabisa. Niliwaita kuwashukuru kuniunganisha na Vai. Maana bila nyinyi nisingekutana na faraja ya Vai. Asanteni.” Ni kama Victor hakutaka kupoteza muda zaidi. “Bila shida mkuu. Tupo pamoja.” Akadakia Felix, ila Belinda akaguna kama kwa dharau. Wote walimuona, Victor akaipotezea hakutaka hata kumuuliza ila akaendelea. “Sisi hatujala. Nataka kumuita muhudumu tuagize. Nashauri tuungane kwa mlo.” Akawa akimwangalia Felix.

“Kwahiyo ndio mpo kwenye mahusiano ya namna gani?” Akadakia Belinda kwa swali, na kuongeza. “Maana Victor unaye mkeo, na Vai anaye Bale. Ndio inakuaje hapo?” Vai kimya akimtizama shoga yake jinsi alivyombadilikia. Lakini akawa ameshachelewa. Hao wawili wameshakaa hapo hotelini, kwa muda huo mfupi kilichojengeka mioyoni mwao hawakuwa tayari kukiachia kirahisi. “Tutajua mbele ya safari. Sasahivi hatutakuwa na majibu yote yakuwaridhisha. Vipi, nimuite muhudumu sasahivi?” Victor akajibu na kuwarudisha kwenye linalowahusu.

“Mimi naona sisi twende tu mkuu. Nyinyi endeleeni. Tutakutana kazini jumatatu.” Felix akasimama kabisa, na Victor akasimama na kumpa mkono. “Bila shaka. Tutaonana.” Belinda akasimama na kuondoka. Vai hakuongea neno lolote, alibaki kimya tu. “Samahanini jamani.” Felix akaomba radhi na kuondoka akionekana wazi hakufurahia alichokifanya Belinda.

~~~~~~~~~~~~~~~~

Kesho yake asubuhi ilikuwa Vai ndio anarudi chuo na Victor anaanza kazi. Ukawa usiku mzito! “Nimeshakuzoea Vai. Nasikia raha kuwa na wewe!” “Mungu atajalia tutakuja pata nafasi wakati mwingine.” Hapo Vai anamjibu wapo kitandani, anamchezea vinyweleo vya mkono. “Mimi sijui kupika kama Bale.” Vai akaanza kucheka akajua wivu tayari. “Kwa hiyo sitakuwa na visingizio vyakukufuata chuoni na kukuitia chakula.” “Hata uji hujui kupika!?” “Hata chai ya rangi sijui. Na hata nikisema nikajifunze, sina pakujifunzia. Na pia sitakuwa na pakupikia. Pakipikwa pale kwangu ni chakula cha jumuiya.” Vai akacheka na kunyamaza.

“Eti Vai? Tutakuwa tukionana vipi?” “Si tutakuwa tukiwasiliana? Tutajua kadiri siku zinavyoenda. Tusijinyime raha sasahivi kwa ugumu ambao hata hatujapitia bado.” “Mimi sina pakukuitia upumzike.” Akazidi kujifananisha na Bale. “Tusipoteze utulivu tulionao leo, sasahivi hapa, kwa wasiwasi wa kesho ambao hatujui hata kama tutafika. Tafadhali turidhike na sasahivi hapa tulipo. Tupo na wakati mzuri ambao hata siku ya kwanza tuliyokutana, hatukujua kama tutapata wakati mzuri kama huu.” “Lakini kweli.” Victor hakutegemea kabisa. Mkewe alikuwa mtu wa mipango na alitaka mipango iliyonyooka, akimlalamikia kila wakati juu ya familia yake kuwa ni mzigo unawafanya washindwe kujipanga kimaisha. Vai amekuja kivingine.

 Akazidi kuvutiwa. “Naomba kujua Vai.” Vai akamwangalia. “Naruhusiwa simu na jumbe mida gani?” “Muda na wakati wowote Victor! Mimi sina mwanaume au sipo kwenye mahusiano yeyote kama wewe.” “Mimi sina mahusiano Vai!” “Una mke, Victor.” “Kwenye makaratasi. Lakini sina mahusiano yakushindwa kupokea simu yako muda na wakati wowote.” Vai akanyamaza tu.

“Umenielewa?” “Hata sijui nielewe nini! Ila kwangu unaruhusiwa muda na wakati wowote. Nisipopokea simu yako ujue nipo darasani au wodini. Lakini ujue nitarudisha kwa haraka.” “Na mimi hivyohivyo. Muda na wakati wowote unaruhusiwa kunipigia. Ukiona sijapokea ujue nipo katikati ya kikao au kazi, lakini ujue nitarudisha.” Kimya.

“Vai? Au huna mpango wa kunitafuta tena!?” “Na jogoo?” Victor hakutegemea, akaanza kucheka. “Mama umependa jogoo zangu!” “Hupati ng’ombe bila jogoo. Kwahiyo lazima.” Victor akazidi kucheka. “Nimefuahi kama utanitafuta.” “Nitakutafuta Victor. Na mimi nafurahia muda na wewe.” “Kweli Vai!?” “Mbona ningeshakuaga muda tu! Wewe ni mtu mzuri. Mstaarabu. Mnyenyekevu, huna kiburi. Unajua kujishusha. Umenifanya nitulie. Nimepata wakati mzuri. Nashukuru.” Shukurani hizo zikasindikizwa na penzi zito la kuagana.

~~~~~~~~~~~~~~~~

Nini kitaendelea? Usipitwe.